Suzuki го освежи Splash за летово

Во согласност со својата традиција за долговечност на дизајнот, Suzuki со мали козметички зафати пред почетокот на летово го освежи малиот градски модел.

Иако претставен пред четири години, Splash и денес изгледа еднакво свежо, така што и немаше некоја голема потреба за менување. Она што е различно се светлата, браниците со „растегнати“ светла за магла и малку зголемената маска, а назад графиката на задните светла и браникот, кој сега е со два пара отвори за воздух. Ситни декоративни измени има и во внатрешноста, додека унапредените мотори сега се малку поекономични и поеколошки - 1,0 литарскиот мотор со 68 KS просечно троши 4,7 l/100 km и емитува 109 g/km CO₂, а 1,2 литарскиот со 94 KS 5,1 l/100 km и 118 g/km CO₂.
Splash е базиран на за 30 mm скратената платформа на Swift и заедно со својот близнак Opel Agila, се произведува во фабриката на Suzuki во Унгарија.