Renault работи на нов евтин автомобил

Според слична формула како и со Logan, Renault подготвува нов супер евтин автомобил за пазарите во развој.

Според Карлос Гон, директорот на Renault, веќе се работи на платформата на новиот ultra low cost автомобил, кој треба да биде уште поевтин од Logan. Моделот кој треба да биде подготвен за лансирање до 2016 година, првенствено ќе биде наменет за пазарите со голем потенцијал, како што е Индија, каде на 1.000 жители се паѓаат по 30 автомобили. Цени не се споменуваат, но се шпекулира со рамка од 3.000 евра.
Dacia Logan се развиваше со проектирана цена од 5.000 долари, која по воведувањето на еврото се трансформира во 5.000 евра.