Познати деталите за AMG верзијата на А класата

Според неофицијалните информации, жешката верзија на А класата наместо А25, ќе носи ознака A45 AMG.

Срцето на оваа, долго најавувана верзија на А класата ќе биде познатиот 2,0 литарски турбо четирицилиндричен мотор од А250, навиен на 335 KS и 400 Nm, кои треба да обезбедат перформанси достојни за останатите германски конкуренти кои се гордеат со ознаките RS и М. Како што и досега се знаеше, А45 AMG ќе има погон на сите четири тркала, кој ќе се пренесува преку седумстепен менувач со двојна спојка и специјално подесена Haldex централна спојка која вртежниот момент примарно ќе го испраќа на задните тркала. Mercedes ќе го употреби овој погон и за очекуваната AMG верзија на купето со четири врати CLA.
А45 ќе биде првиот AMG модел на Mercedes со попречно поставен мотор.