Малиот SUV на Mercedes и официјално потврден

На церемонијата по повод започнувањето на производството на новата А класа, лично Дитер Цече го потврди пристигнувањето на мал SUV направен на нејзината основа.

Новата А класа претставува еден од суштинските стожери на стратегијата за развој на компанијата до 2020 година, бидејќи ќе биде основа за официјално два, а можеби и повеќе нови модели кои досега воопшто не биле во програмата на германската марка. Еден од нив е и идниот мал SUV, кој Цече го посочи како трет модел кој ќе се произведува во фабриката во Раштат, каде и официјално започна производството на новата А класа. Заради тоа, Mercedes во оваа фабрика која сега е способна на една иста линија да произведува повеќе различни модели поставени на платформата на А класата, ќе инвестира вкупно 1,2 милијарди евра. Останатите два модела проектирани на основата на А класата, новата B класа и купе-седанот CLA, ќе се произведуваат во Кечкемет, Унгарија.
Никакви детали за новиот модел кој треба да пристигна на пазарот под ознаката GLA, не се објавени.

поврзани вести:
И мал SUV на основа на А класата