Citroën го подготвува новиот C4 Picasso

Претставен во 2006 година, на компактниот моноволуменски модел на Citroën веќе му е време за замена.

Се очекува новата генерација на C4 Picasso да има поостри линии и помалку јајчеста силуета, која е заштитен знак на дизајнот на сегашната генерација. Како и досега, ќе биде понуден во две верзии, нормална со 5 и продолжена Grand со 7 седишта, чии задни врати најверојатно би биле лизгачки за полесен пристап кон внатрешноста. И двете верзии ќе бидат поставени на основата на Citroën C4, од кој ќе ја наследи и моторната понуда, веројатно збогатена со хибридната дизел-електрична верзија.
Според првичните информации, новиот C4 Picasso се очекува идната година, што значи дека ќе биде преставен или есенва во Париз, или идната година во Женева.