Конечно покажан Seat Leon 2013

По долго очекување, Seat ја покажа третата генерација на Leon.

Базиран на новата MQB платформа, која му овозможува полесна конструкција, новиот Leon ќе има „побесен“ дизајн со помеки и позаоблени линии од сегашната генерација, од која нема да ги наследи и скриените кваки на задните врати. Уникатниот и моќен изглед со нагласен персоналитет и добро избалансирани волумени е во согласност со имиџот на марката, а внатрешноста му е модерно изработена, со материјали и квалитет кои го доближуваат до премиум моделите. Иако со должината од 4,26 метри е за пет сантиметри пократок од сегашната генерација, меѓуоскиното растојание му е зголемено за скоро шест сантиметри, а поголем за 40 литри е и багажникот, чија големина сега изнесува 380 литри.
На радост на вљубениците во автомобилите, новиот Leon ќе биде достапен во три каросериски варијанти - хечбек со три и пет крави и караван. Во продажба ќе се најде од крајот на годинава, со избор меѓу спектар преработени TSi и TDi мотори. Бензинските се со зафатнина од 1,2 (86 и 105 KS), 1,4 (122 KS) и 1,8 литри (180 KS), а дизелите од 1,6 (90 и 105 KS) и 2,0 литри (150 и 184 KS). Од спортските едиции, за почеток е најавена само неговата FR верзија, додека на останатите ќе мора да почекаме малку.
Со новиот Leon, Seat го промовираше и преработеното лого, кое со својот почист дизајн ги претставува прецизноста и елеганцијата на новиот дизајнерски јазик на марката.