Focus и во кабриолет издание

Иако Ford во моментов ја окупира јавноста со EcoBoost моторите, тоа не значи дека не работи и на нови модели.

Најинтензивни се подготовките за европското лансирање на новите генерации на Mondeo и Kuga, целосниот глобален настап на малиот SUV EcoSport и рестајлингот на Fiesta. Овие новитети во голема мерка ги ангажираат капацитетите на развојните одделенија на марката, кои во меѓувреме добија задача да мислат и на новите варијанти на Focus. Така, освен желно очекуваната RS верзија, меѓу идните варијанти на Focus, најверојатно кон средината на 2013 година, се очекува да се појави и кабриолет верзија, направена на механичката основа на верзијата со четири врати. Можно е таа да биде со платнен наместо тврд преклоплив покрив, заради заштеда на тежината, просторот за багаж и трошоците за развој и производство.
Ford би го правел овој кабриолет во своите погони, за разлика од досегашната CC верзија, која излегуваше од производните линии на Pininfarina.