Volvo ќе ја прошири SUV гамата и со XC30

Со моделот XC30, шведската куќа се подготвува да ја прошири SUV гамата надолу

Кросоверот кој е приоритет за Volvo и со кој шведската марка ќе им конкурира на најмалите германски премиум SUV модели, се очекува кон крајот на 2013 година, пред да биде (ако воопшто биде) претставен директниот наследник на S40, односно седан верзијата на новиот компактен хечбек со пет врати V40. Токму неговата платформа ќе биде искористена и за најавениот најмал шведски SUV модел, заради што понекогаш во информациите кои стигнуваат за него се нарекува и XC40.
Долг помалку од 4,4 метри, XC30 би можел да биде на располагање и во верзија со издолжено меѓуоскино растојание за Кина и САД, како што е случај со неколку други компактни SUV модели.